ಅಜ್ಞಾನನಾಶಾಯ ಸತಾಂ ಜನಾನಾಂ ಕೃತಾವತಾರಾಯ ವಸುಂಧರಾಯಾಮ್‌ । ಮಧ್ವಾಭಿಧಾನಾಯ ಮಹಾಮಹಿಮ್ನೇ ಹತಾಘಸಂಘಾಯ ನಮೋಇನಿಲಾಯ ॥ ೧ ॥ ಯೇನ ಸ್ವಸಿದ್ಧಾಂತಸರೋಜಮದ್ಭಾ ವಿಕಾಸಿತಂ ಗೋಭಿರಲಂ ವಿಶುದ್ಧೈಃ ದುಸ್ತರ್ಕನೀಹಾರಕುಲಂ ಚ ಭಿನ್ನಂ ತಸ್ಮೈ ನಮೋ ಮಧ್ವದಿವಾಕರಾಯ ॥ ೨ ॥ ಪ್ರಪನ್ನತಾಪಪ್ರಶಮೈಕಹೇತುಂ ದುರ್ವಾದಿವಾದೇಂಧನಧೂಮಕೇತುಮ್‌ ಟ ನಿರಂತರಂ ನಿರ್ಜಿತಮೀನಕೇತುಂ ನಮಾಮ್ಯಹಮ್‌ ಮಧ್ವಮುನಿಪ್ರಕಾಂಡಮ್‌ ॥ ೩ ॥ ಶಾಂತಂ ಮಹಾಂತಂ ನತಪಾದಕಾಂತಂ ಕಾಂತಂ ನಿತಾಂತಂ ಕಲಿತಾಗಮಾಂತಮ್‌ ।ಟ ಸ್ವಾಂತಂ ನಯಂತಂ ತ್ರಿಪುರಾರಿಕಾಂತಂ ಕಾಂತಂ ಶ್ರಿಯೋ ಮಧ್ವಗುರುಂ ನಮಾಮಿ ॥ ೪ ॥॥ ಪುನಾನನಾಮ್ನೇ ಮುರವೈರಿಧಾಮ್ನೇ ಸಂಪೂರ್ಣನಾಮ್ನೇ ಸಮಧೀತಸಾಮ್ನೇ । ಸಂಕೀರ್ತಿತಾಧೋಕ ಜಪುಣ್ಯನಾಮ್ನೇ ನಮೋಸ್ತು ಮಧ್ವಾಯ ವಿಮುಕ್ತಿಸೀಮ್ನೇ 1:1. ಸನ್ಮಾನಸಂಸಜ್ಜನತಾಶರಣ್ಯಂ ಸನ್ಮಾನಸಂ ತೋಷಿತರಾಮಚಂದ್ರಮ್‌ । ಸನ್ಮಾನಸಂನ್ಯಸ್ತಪದಂ ಪ್ರಶಾಂತಂ ನಮಾಮ್ಯಹಂ ಮಧ್ವಮಹಾಮುನೀಶಮ್‌ ॥೬॥ ಸಂಸ್ತೂಯಮಾನಾಯ ಸತಾಂ ಸಮೂಹೈ ಶ್ಚಂದ್ರಾಯಮಾನಾಯ ಚಿದಂಬುರಾಶೇಃ । ದೀಪಾಯಮಾನಾಯ ಹರಿಂ ದಿದೃಕ್ಟೋ ರಲಂ ನಮೋ ಮಧ್ವಮುನೀಶ್ವರಾಯ ॥ ೭ ॥ ಗುಣೈಕಸಿಂಧುಂ ಗುರುಪುಂಗವಂ ತಂ ಸದೈಕಬಂಧುಂ ಸಕಲಾಕಲಾಪಮ್‌ । ಮನೋಜಬಂಧುಂ ನತಪಾದಪದ್ಮಂ ನಮಾಮ್ಯಹಂ ಮಧ್ವಮುನಿಂ ಪರೇಣ್ಯಮ್‌ ॥೮॥ ಮಧ್ವಾಷ್ಟಕಮ್‌ ಪುಣ್ಯತಮಂ ತ್ರಿಸಂಧ್ಯಂ ಪಠಂತ್ಯಲಂ ಭಕ್ತಿಯುತಾ ಜನಾ ಯೇ । ತೇಷಾಮಭೀಷ್ಟಂ ಪ್ರತನೋತಿ ವಾಯುಃ ಶ್ರೀಮಧ್ವನಾಮಾ ಗುರುಪುಂಗವೋ*ಯಮ್‌ ॥ ೯॥ ಕೃತ್ವಾ ಹರೇಃ ಶಾಶ್ವತಸದ್ಗುಣಾನ್‌ ಯಃ ಟ ಪ್ರಕಾಶಯಾಮಾಸ ಸಮಸ್ತಯುಕ್ತಿಭಿಃ ಶ್ರೀಮಧ್ವನಾಮಾ ಚ ಸದಾ ಪ್ರಸೀದತಾಮ್‌ ॥ ೧೦ ಪರಮಪುರುಷಶ್ರೀಚರಣಸರೋರುಹ ಮಧುಕರರೂಪಕಮಾನಸಮುದಿತಮ್‌ । ಗುರುಕುಲತಿಲಕಶ್ರೀಮದಾನಂದತೀರ್ಥ ಯೋಗಿವರಂ ಸತತಮಹಂ ವಂದೇ ॥ ೧೧ ಶ್ರೀಮಲ್ಲಿಕುಚವಂಶ್ಯೇನ ಮಧ್ವಾಷ್ಟಕಮುದೀರಿತಮ್‌ | ಶ್ರೀಮತ್ತಿ ವಿಕ್ರಮಾಖ್ಯೇನ ಗುರ್ವನುಗ್ರಹಕಾರಕಮ್‌ ॥ ೧೨ ॥
॥ ಇತಿ ಶ್ರೀಮತ್ತಿವಿಕ್ರಮಪಂಡಿತಾಚಾರ್ಯವಿರಚಿತ ಶ್ರೀಮಧ್ವಾಷ್ಟಕಮ್‌ ॥