ಚಂದ್ರವಿಭೂಷಣಚಂದ್ರಪುರೋಗೈರ್ವಂದ್ಯಪದಾಂಬುರುಹಂ ಪವಮಾನಮ್‌ | ಆನಂದತೀರ್ಥಮಹಾಮುನಿರಾಜಂ ಗೋವಿಂದಭಕ್ತಶಿಖಾಮಣಿಮೀಡೇ ॥ ೧ ॥
ಪ್ರಾಣಗಣಾಧಿಪತಿಂ ಭುವಿ ವಾಣೀಪ್ರಾಣಸಮಂ ದಯಯಾ ಹ್ಯವತೀರ್ಣಮ್‌ ಆನಂದತೀರ್ಥಮಹಾಮುನಿರಾಜಂ ಗೋವಿಂದಭಕ್ತಶಿಖಾಮಣಿಮೀಡೇ ॥ ೨॥
ಶ್ರೀಹನುಮಂತಮನಂತಭುಜಿಷ್ಯಂ ಲಂಘಿತಸಿಂಧುಮುದಸ್ತಮಹೀದ್ರಮ್‌ । ಆನಂದತೀರ್ಥಮಹಾಮುನಿರಾಜಂ ಗೋವಿಂದಭಕ್ತಶಿಖಾಮಣಿಮೀಡೇ ॥ ೩॥
ಭೀಷಣದುಷ್ಟಕುಲಾಂತಕಭೀಮಂ ಭೀಮಮಭೀತಿದಮಿಷ್ಟಜನಾನಾಮ್‌ । ಆನಂದತೀರ್ಥಮಹಾಮುನಿರಾಜಂ ಗೋವಿಂದಭಕ್ತಶಿಖಾಮಣಿಮೀಡೇ ॥ ೪ ॥
ಶಾಂತಮನಂತನಿಶಾಂತಸಮಾಹ್ವೇ ಶಾಂತಕುಲೇಖಕುಲೇ ಕಿಲ ಜಾತಮ್‌ | ಆನಂದತೀರ್ಥಮಹಾಮುನಿರಾಜಂ ಗೋವಿಂದಭಕ್ತಶಿಖಾಮಣಿಮೀಡೇ ॥ ೫ ॥
॥ ಇತಿ ಶ್ರೀಕಲ್ಯಾಣೀದೇವೀವಿರಚಿತಾ ಅಣುವಾಯುಸ್ತುತಿಃ ॥