శ్రీ మాన్పూర్వం ప్రజాతో దర్శరథనృపతే రామనామాథ నీతో విశ్వామిత్రేణ మంత్రాహృదనుజసహితస్తాటకాం ఘాతకోస్త్రం| బ్రహ్మాద్యం ప్రాప్య హంత్వా నిశిచరనికరం యజ్ఞపాలో విమోచ్యా- హల్యాం శాపాశ్చ భంక్త్వా శివధనురుపయన్ జానకీం నః ప్రసీదేత్||౧||
ఆయన్ రామః సభార్యోధ్వని నిజసహజైర్భార్గవేష్వాసరోపాత్ తద్గం హత్వా సురారిం పురగ ఉతనుతస్తాపసైర్భూపపృష్టై:| కల్యాణాంతధర్మోగుణలవరహితః ప్రాణినామంతరాత్మేత్ యాద్యుక్తశ్చాభిషేకే పురజనమహితో మహ్యతాం మే వచోభి:||౨||
కైకేయీప్రీతిహేతో: ససహజనృపజో వల్కలీ యానరణ్యం గంగాతారీ గుహార్చ్యః కచరుచిరజటో గీష్పతే: పుత్రమాన్యః తీర్త్వా కృష్ణా౦ ప్రయాతోవతు నిజమమలం చిత్రకూట౦ ప్రపన్నం స్వాంబాభిభ్రాతరం తం శృతజనకగతి: సాంత్వయన్ వ్యుప్తతీర్థః||౩||
దత్త్వాస్మై పాదుకే స్వే క్షితిభరణకృతౌ ప్రేప్య తం కాకనేత్ర౦ వ్యస్యారోద్యత్రినామ్నా వనమథ సమితో దండకం తాపసేష్వం| కుర్వన్ హత్వా విరాధం ఖలకులదమనం యాచితస్తాపసాగ్రైస్తేషాం దత్వాభయం స్వానసిధనురిషుధీన్ యానగస్త్యాత్స పాయాత్||౪||
ఆసీనః పంచవట్యామకురుత వికృతాం రాక్షసీం యో ద్విసప్త- క్రవ్యాదానామప్యనేకానథ ఖరమవధీద్ దూషణం చ త్రిశీర్షం| మారీచం మార్గరూపం దశవదనహృతామాకృతిం భూమిజాయా అన్విష్యన్నార్తగృధ్రం స్వగతిమథ నయన్ మామవేత్ ఘ్నన్ కబంధం||౫||
పంపాతీరం స గచ్ఛన్నిహ కృతవసతి: భక్తితుష్వః శబర్యై దత్వా ముక్తిం ప్రకుర్వన్ హనుమత ఉదితం ప్రాప్తసుగ్రీవసఖ్యం| సప్త ఛిత్వాథ తాలాన్ విధివరబలినో వాలిభిత్ సూర్యసూనుం కుర్వాణో రాజ్యపాలం సమవతు నివసన్ మాల్యవత్కందరేసౌ||౬||
నీత్వా మాసాన్ కపీశానిహ దశ హరితః ప్రేష్య సీతాం విచింత్యా యాతశ్రీమద్ధనూమద్గిరిమథ సమనుశృత్య గచ్ఛన్ కపీంద్రై:| సుగ్రీవాద్యైరసంఖ్యైర్దశముఖసహజం మానయన్నబ్ధివాచా దైత్యఘ్నః సేతుకారీ రిపుపురరుదవేద్ వానరైర్వైరిఘాతీ||౭||
భగ్నం కృత్వా దశాస్యాం గురుతరవపుషం కుంభకర్ణ౦ నిహత్య ప్రధ్వస్తాశేషనాగం పదకమలనతం తార్క్ష్యమానంద్య రామః| సర్వానుజ్జీవయంతం గిరిధరమనఘశ్చాంజనేయాత్ కపీన్ స్వాన్ విజ్ఞానాస్త్రేణ రక్షన్ సమవతు దమయన్ లక్ష్మణాచ్చక్రశత్రం||౮||
క్రవ్యాదాన్ ఘ్నన్నసంఖ్యానపి దశవదనం బ్రహ్మపూర్వై: సురేశై: పుష్పైరాకీర్యమాణో హుతవహవిమలామాప్య సీతాం విధాయ| రక్షోనాథం స్వభక్తం స్వపురమథ గతః పుష్పకస్థై: సమస్తై: సామ్రాజ్యే చాభిషిక్తో నిజజనమఖిలం మానయన్ మే గతి: స్యాత్ ||౯|| రక్షన్ క్షోణీం మమృద్ధాం నుత ఉత మునిభిర్మానయన్ వాయుసూనం ప్రేష్యాదిత్యాత్మజాదీన్ వ్యతనుత భరతం యౌవరాజ్యేనుమాన్య| కార్యే సౌమిత్రిమార్తశ్వగదితకృదరిఘ్నోథ శత్రుఘ్నతో యో హత్వాసౌ దుష్వశూద్రం ద్విజసుతగుబవేత్ కుంభజాన్మాలభారీ||౧౦||
యజ్ఞ౦ తన్వన్ త్రికోటీన్ వ్యతుదత భరతాద్యోసురానీశవాక్యాద్ యాస్యన్ ధామాత్రిపుత్రం భుజిమథ స నయన్నాత్మసూనూ స్వరాజ్యే| కృత్వా శ్రీహ్రీహనూమధ్ధ్రుతవిమలచలచ్చామరఛత్రశోభీ బ్రహ్మాద్యై: స్తూయమానో నిజపురవిలసత్పాదపద్మోవతాన్మామ్||౧౧||
ఇతి శ్రీరామచారిత్రమంజరీ లేశతః కృతా| రాఘవేంద్రేణ యతినా భూయాద్ రామప్రసాదదా||౧౨||
ఇతి శ్రీ రాఘవేంద్రతీర్థశ్రీ చరణకృతా శ్రీ రామచారిత్రమంజరీ భారతీరమణముఖ్యప్రాణాంతర్గత శ్రీ కృష్ణార్పణమస్తు