నమామి దూతం రామస్య సుఖదం చ సురద్రుమమ్ | పీనవృత్త మహాబాహుం సర్వశత్రు నివారణమ్ ||1|| నానారత్న సమాయుక్త కుండలాది విరాజితమ్ | సర్వదాఽభీష్టదాతారం సతాం వై దృఢమాహవే ||2|| వాసినం చక్రతీర్థస్య దక్షిణస్థగిరౌ సదా | తుంగాంబోధి తరంగస్య వాతేన పరిశోభితే ||3|| నానా దేశాగతైః సద్భిః సేవ్యమానం నృపోత్తమైః | ధూపదీపాది నైవేద్యైః పంచఖాద్యైశ్చ శక్తితః || 4 || భజామి శ్రీహనూమంతం హేమకాంతి సమప్రభమ్ | వ్యాసతీర్థ యతీంద్రేణ పూజితం ప్రణిధానతః ||5|| త్రివారం యః పఠేన్నిత్యం స్తోత్రం భక్త్యాద్విజోత్తమః | వాంఛితం లభతేఽభీష్టం షణ్మాసాభ్యంతరే ఖలు ||6|| పుత్రార్థీ లభతే పుత్రం యశోఽర్థీ లభతే యశః| విద్యార్థీ లభతే విద్యాం ధనార్థీ లభతే ధనమ్ ||7|| సర్వథా మాఽస్తు సందేహో హరిః సాక్షీ జగత్పతిః | యః కరోత్యత్ర సందేహం స యాతి నరకం ధ్రువమ్ ||8||
ఇతి శ్రీ వ్యాసరాయరు రచిసిద శ్రీ యంత్రోద్ధారక హనుమత్ స్తోత్రం సంపూర్ణం || శ్రీ కృష్ణార్పణమస్తు ||