tato yuddha parishrAMtaM samare chiMtayA sthitam | rAvaNaM chAgrato dRRiShTvA yuddhAya samupasthitam || 1 ||
daivataishcha samAgamya draShTumabhyAgato raNam | upAgamyA bravIdrAmamagastyo bhagavAn RRiShiH || 2 ||
rAma rAma mahAbAho shRRiNu guhyaM sanAtanam | yena sarvAnarIn vatsa samare vijayiShyasi || 3 ||
Aditya hRRidayaM puNyaM sarvashatru vinAshanam | jayAvahaM japannityamakShayyaM paramaM shubham || 4 ||
sarvamaMgala mAMgalyaM sarva pApa praNAshanam | chiMtAshoka prashamanamiyurvardhana muttamam || 5 ||
rashmimaMtaM samudyaMtaM devAsura namaskRRitaM | pUjayasva vivasvaMtam bhAskaraM bhuvaneshvaram || 6||
sarvadevAtmako hyeShastejasvI rashmibhAvanaH | eSha devAsuragaNAn lokAn pAti gabhastibhiH || 7 ||
eSha brahmA cha viShNushcha shivaH skaMdaH prajApatiH | maheMdro dhanadaH kAlo yamaH somo hyapAM patiH || 8 ||
pitaro vasavassAdhyA hyashvinau maruto manuH | vAyurvahniH prajAH prANA RRitukartA prabhAkaraH ||9||
AdityassavitA sUryaH khagaH pUShA gabhastimAn | suvarNasadRRisho bhAnuH svarNaretA divAkaraH ||10||
haridashvaH sahasrArchiH saptasaptirmarIchimAn timironmathanaH shaMbhustvaShTA mArtAMDako.aMshumAn ||11||
hiraNyagarbhaH shishirastapano bhAskaro raviH | agnigarbho.aditeH putraH shaMkhaH shishiranAshanaH || 12 ||
vyomanAtha stamobhedI RRigyajussAmapAragaH | ghanavRRiShTi rapAM mitro viMdhyavIthI plavaMgamaH || 13||
AtapI maMDalI mRRityuH piMgalaH sarvatApanaH | kavirvishvo mahAtejA raktaH sarvabhavodbhavaH || 14 ||
nakShatra graha tArANAmadhipo vishvabhAvanaH | tejasAmapi tejasvI dvAdashAtmannamo.astu te || 15||
namaH pUrvAya giraye pashchimAyAdraye namaH | jyotirgaNAnAM pataye dinAdhipataye namaH || 16||
jayAya jayabhadrAya haryashvAya namo namaH | namo namaH sahasrAMsho AdityAya namo namaH || 17 ||
nama ugrAya vIrAya sAraMgAya namo namaH | namaH padmaprabodhAya mArtAMDAya namo namaH || 18 ||
brahmeshAnAchyuteshAya sUryAyAdityavarchase | bhAsvate sarvabhakShAya raudrAya vapuShe namaH || 19 ||
tamoghnAya himaghnAya shatrughnAyA mitAtmane | kRRitaghnaghnAya devAya jyotiShAM pataye namaH || 20 ||
tapta chAmIkarAbhAya vahnaye vishvakarmaNe | namastamo.abhinighnAya ravaye lokasAkShiNe || 21 ||
nAshayatyeSha vaibhUtaM tadeva sRRijati prabhuH | pAyatyeSha tapatyeSha varShatyeSha gabhastibhiH || 22 ||
eSha supteShu jAgarti bhUteShu pariniShThitaH | eSha evAgni hotraM cha falaM chaivAgni hotriNAm || 23 ||
vedAshcha kratavashchaiva kratUnAM falameva cha | yAni kRRityAni lokeShu sarvANyeSha raviH prabhuH || 24 ||
falashRRiti
ena mApatsu kRRichChreShu kAMtAreShu bhayeShu cha | kIrtiyan puruShaH kashchinnAvasIdati rAghava || 25 ||
pUjayasvaina mekAgro devadevaM jagatpatim | etattriguNitaM japtvA yuddheShu vijayiShyasi || 26 ||
asmin kShaNe mahAbAho rAvaNaM tvaM vadhiShyasi | evamuktvA tadAgastyo jagAma cha yathAgatam || 27 ||
etachChrutvA mahAtejA naShTashoko.abhavattadA | dhArayAmAsa suprIto rAghavaH prayatAtmavAn || 28 ||
AdityaM prekShya japtvA tu paraM harShamavAptavAn | trirAchamya shuchirbhUtvA dhanurAdAya vIryavAn || 29 ||
rAvaNaM prekShya hRRiShTAtmA yuddhAya samupAgatam | sarvayatnena mahatA vadhe tasya dhRRito.abhavat || 30 ||
atharaviravadannirIkShya rAmaM muditamanAH paramaM prahRRiShyamANaH | nishicharapati saMkShayaM viditvA suragaNa madhyagato vachastvareti || 31 ||
iti shrImadrAmAyaNe yuddhakAMDe saptottarashatatamassargaH sarathaM sArathirhRRiShTaH parasainyapradharShaNam | gaMdharvanagarAkAraM samuchChritapatAkinam ||
shrI AdityahRRidayaM saMpUrNaM || shrIkRRiShNArpaNamastu ||