hemAdri-shikharAkAraM shuddha-sfaTika-sannibham | pUrNachaMdra-nibhaM devaM dvibhujaM vAmanaM smaret || 1 ||
padmAsanasthaM deveshaM chaMdramaMDala-madhyagam | jvalatkAlAnala-prakhyaM taTitkoTi-samaprabham || 2 ||
sUryakoTi-pratIkAshaM chaMdrakoTi-sushItalam | chaMdramaMDala-madhyasthaM viShNumachyutamavyayam || 3 ||
shrIvatsa-kaustubhoraskaM divyaratna-vibhUShitam | pItAMbaradharaM devaM vanamAlA-vibhUShitam || 4 ||
suMdaraM puMDarIkAkShaM kirITena virAjitam | ShoDashastrIparivRRitam-apsarogaNa-sevitam || 5 ||
sanakAdibhiranyaishcha stUyamAnaM samaMtataH | RRigyajussAmAtharvAbhir-gIyamAnaM janArdanam || 6 ||
chaturmukhAdyairdeveshaiH stotrArAdhana-tatparaiH | triyaMbako mahAdevo nRRityate yasya sannidhau || 7 ||
dadhimishrAnnakavalaM rugmapAtraM cha dakShiNe | kare.api chiMtayedvAme pIyUShamamalaM sudhIH || 8 ||
sAdhakAnAM prayachChaMtamannapAnamanuttamam | brAhme muhUrte chotthAya dhyAyeddevamadhokShajam | AyurArogyamaishvaryaM labhate chAnnasaMpadam || 9 ||
atisuvimalagAtraM rugmapAtrasthamannaM sulalitadadhikhaMDhaM pANinA dakShiNena | kalashamamRRitapUrNaM vAmahaste dadhAnaM tarati sakaladuHkhAdvAmanaM bhAvayedyaH || 10 ||
idaM stotraM paThedyastu prAtaHkAle dvijottamaH | akleshAdannasiddhyarthaM j~nAnasiddhyarthameva cha || 11 ||
abhrashyAmaH shubhrayaj~nopavItI satkaupInaH pIta-kRRiShNAjinashrIH | ChatrI daMDI puMDarIkAyatAkShaH pAyAddevo vAmano brahmachArI || 12 ||
ajinadaMDa-kamaMDalu-mekhalA-ruchira-pAvana-vAmana-mUrtaye | mitajagattritayAya jitAraye nigamavAkpaTave vaTave namaH || 13 ||
shrIbhUmisahitaM divyaM muktAhAra-vibhUShitam | namAmi vAmanaM devaM bhuktimukti-varapradam || 14 ||
vAmano buddhidAtA cha dravyastho vAmanaH smRRitaH | vAmanastArakobhAbhyAM vAmanAya namo namaH || 15 ||
|| iti shrIvAmanapurANe dadhivAmanastotraM saMpUrNam ||