Vayu Stuti · Roman transliteration

shrImadAnaMdatIrthabhagavatpAdavirachitA nakhastutiH

oM pAMtvasmAn purahUta-vairi-balavan- mAtaMga-mAdyad-ghaTA- kuMbhochchAdri-vipATanAdhika-paTu- pratyeka-vajrAyitAH | shrImat-kaMThIravAsya- pratata-su-nakharA dAritArAti-dUra- pradhvasta-dhvAMta-shAMta- pravitata-manasA bhAvitA bhUri-bhAgaiH || (bhAvitA bhUri-nAkivRRiMdai (prachalitapATha))

lakShmIkAMta samaMtatoSpi kalayan naiveshituste samaM pashyamyuttama-vastu dUra-taratoS- pAstaM raso yoSShTamaH | yad-roShotkara- dakSha-netra-kuTila- prAMtotthitAgni-sfurat- khadyotopama- visfuliMga-bhasitA brahmesha-shakrotkarAH ||

shrImat‍kavikulatilaka- trivikramapaMDitAchAryavirachitA vAyustutiH

shrImad-viShNvaMghri-niShThAtiguNa- gurutama- shrImadAnaMdatIrtha- trailokyAchArya-pAdo- jjvala-jalaja-lasat- pAMsavoSsmAn punaMtu | vAchAM yatra praNetrI tri-bhuvana-mahitA shAradA shAradeMdu- jyotsnA-bhadra-smitashrI- dhavaLita-kakubhA prema-bhAraM babhAra || 1 ||

utkaMThAkuMTha-kolA- hala-java-viditA- jasra-sevAnuvRRiddha- prAj~nAtma-j~nAna-dhUtAM- dhatamasa-sumano- mauLi-ratnAvalInAm | bhaktyudrekAvagADha- praghaTana-sadhaTAt- (praghaTana–saghaTAt- (prachalitapATha)) kAra-saMghRRiShyamANa- prAMta-prAgryAMghri-pITho- tthita-kanaka-rajaH- piMjarAraMjitAshAH || 2 ||

janmAdhi-vyAdhyupAdhi- pratihati-viraha- prApakANAM guNAnAM- agryANAmarpakANAM chiramudita-chidA- naMda-saMdoha-dAnAm | eteShAmeSha doSha- pramuShita-manasAM dveShiNAM dUShakANAM daityAnAmArtimaMdhe tamasi vidadhatAM saMstave nAsmi shaktaH || 3 ||

asyAviShkartukAmaM kali-mala-kaluSheS- smin-jane j~nAna-mArgaM vaMdyaM chaMdreMdra-rudra- dyumaNi-faNi-vayo- nAyakAdyairihAdya | madhvAkhyaM maMtra-siddhaM kimuta kRRitavato mArutasyAvatAraM pAtAraM pArameShThyaM padamapa-vipadaH prApturApanna-puMsAm || 4 ||

udyad-vidyut-prachaMDAM nija-ruchi-nikara- vyApta-lokAvakAsho bibhrad bhImo bhuje yoS- bhyudita-dinakarA- bhAMgadADhya-prakAMDe | vIryoddhAryAM gadAgryAM- ayamiha su-matiM vAyu-devo vidadhyAd adhyAtma-j~nAna-netA yati-vara-mahito bhUmi-bhUShA-maNirme || 5 ||

saMsArottApa-nityo- pashamada-sadaya- sneha-hAsAMbupUra- prodyad-vidyAnavadya- dyuti-maNi-kiraNa- shreNi-saMpUritAshaH | shrIvatsAMkAdhivAso- chitatara-saraLa- shrImadAnaMda-tIrtha- kShIrAMbhodhirvibhiMdyAd bhavadanabhimataM bhUri me bhUti-hetuH || 6 ||

mUrdhanyeShoSMjalirme dRRiDha-taramiha te baddhyate baMdha-pAsha- chChetre dAtre sukhAnAM bhajati bhuvi bhaviShyad- vidhAtre dyu-bhatrre | atyaMtaM saMtataM tvaM pradisha pada-yuge haMta saMtApa-bhAjAM- asmAkaM bhaktimekAM bhagavata uta te mAdhavasyAtha vAyoH || 7 ||

sAbhroShNAbhIshu-shubhra- prabhamabhaya nabho bhUri-bhUbhRRid-vibhUti- bhrAjiShNurbhUrRRibhUNAM bhavanamapi vibhoS- bhedi babhre babhUve | yena bhrU-vibhramaste bhramayatu subhRRishaM babhruvad durbhRRitAshAn bhrAMtirbhedAvabhAsaH- tviti bhayamabhibhUH- bhokShyato mAyibhikShUn ||8||

yeSmuM bhAvaM bhajaMte sura-mukha-su-janA- rAdhitaM te tRRitIyaM bhAsaMte bhAsuraiste sahachara-chalitaiH- chAmaraishchAru-veShAH | vaikuMThe kaMTha-lagna- sthira-shuchi-vilasat- kAMti-tAruNya-lIlA- lAvaNyapUrNa-kAMtA- kucha-bhara-sulabhA- shleSha-sammoda-sAMdrAH || 9 ||

AnaMdAn maMda-maMdA dadati hi marutaH kuMda-maMdAra-naMdyA- vartAmodAn dadhanA mRRidu-padamuditod- gItakaiH suMdarINAm | vRRiMdairAvaMdya-mukteM- dvahimagu-madanA- hIMdra-deveMdra-sevye maukuMde maMdireSsmin- avirata-mudayan- modinAM deva-deva || 10 ||

uttaptAStyutkaTa-tviT prakaTa-kaTakaTa- dhvAna-saMghaTTanodyad- vidyud-vyUDha-sfuliMga- prakara-vikiraNot- kvAthite bAdhitAMgAn | udgADhaM pAtyamAnA tamasi tata itaH kiMkaraiH paMkile te paMktirgrAvNAM garimNA glapayati hi bhavad- dveShiNo vidvadAdya || 11 ||

asminnasmad-gurUNAM hari-charaNa-chira- dhyAna-sanmaMgalAnAM yuShmAkaM pArshva-bhUmiM dhRRita-raNaraNika- svargi-sevyAM prapannaH | yastUdAste sa AsteS- dhibhava-masulabha- klesha-nirmokamasta- prAyAnaMdaM kathaMchin- na vasati satataM paMcha-kaShTeStikaShTe || 12 ||

kShut-kShAmAn rUkSha-rakSho- rada-khara-nakhara- kShuNNa-vikShobhitAkShAn AmagnAnaMdha-kUpe kShura-mukha-mukharaiH pakShibhirvikShatAMgan | pUyAsRRi~N-mUtra-viShThA- kRRimi-kula-kalile tat‍kShaNa-kShipta-shaktyA- dyastra-vrAtArditAMstvad- dviSha upajihate vajra-kalpA jaLUkAH || 13 ||

mAtarme mAtarishvan pitaratula-guro bhrAtariShTApta-baMdho svAmin sarvAMtarAtman- ajara jarayitaH- janma-mRRityAmayAnAm | goviMde dehi bhaktiM bhavati cha bhagavan- UrjitAM nirnimittAM nivryAjAM nishchalAM sad-guNa-gaNa-bRRihatIM shAshvatImAshu deva || 14 ||

viShNoratyuttamatvAd- akhila-guNa-gaNaiH- tatra bhaktiM gariShThAM AshliShTe shrI-dharAbhyA- (saMshliShTe shrI-dharAbhyA- (pra. pA)) mamumatha parivA- rAtmanA sevakeShu | yaH saMdhatte viriMcha- shvasana-vihagapA- naMta-rudreMdra-pUrve- ShvAdhyAyaMstAratamyaM sfuTamavati sadA vAyurasmad-gurustam || 15 ||

tatva-j~nAn mukti-bhAjaH sukhayasi hi guro yogyatA-tAratamyAd Adhatse mishra-buddhIn tridiva-niraya-bhU- gocharAn nitya-baddhAn | tAmisrAMdhAdikAkhye tamasi su-bahulaM duHkhayasyanyathA-j~nAn viShNorAj~nAbhiritthaM shruti-shata-mitihA- sAdi chASkarNayAmaH || 16 ||

vaMdeShaM taM hanUmAn iti mahita-mahA- pauruSho bAhushAlI khyAtasteSgryoSvatAraH sahita iha bahu- brahmacharyAdi-dharmaiH | sasnehAnAM sahasvAn- aharaharahitaM nirdahan dehabhAjAM- aMho-mohApaho yaH spRRihayati mahatIM bhaktimadyApi rAme || 17 ||

prAk paMchAshat-sahasraiH- vyavahita-mamitaM yojanaiH parvataM tvaM yAvat saMjIvanAdyau- Shadha-nidhimadhika- prANa laMkAmanaiShIH | adrAkShIdut-pataMtaM tata uta girimut- pATayaMtaM gRRihItvASS- yAMtaM khe rAghavAMghrau praNatamapi tadai- ka-kShaNe tvAM hi lokaH || 18 ||

kShiptaH pashchAt salIlaM shatamatala-mate yojanAnAM sa uchchaH- tAvad vistAravAMshchA- pyupala-lava iva vyagra-buddhyA tvayAStaH | sva-sva-sthAna-sthitAti- sthira-shakala-shilA- jAla-saMshleSha-naShTa- chChedAMkaH prrAgivAbhUt kapi-vara-vapuShaste namaH kaushalAya || 19 ||

dRRiShTvA duShTAdhiporaH sfuTita-kanaka-sad- varma-ghRRiShTAsthi-kUTaM niShpiShTaM hATakAdri- prakaTa-taTa-taTA- kAti-shaMko janoSbhUt | yenASjau rAvaNAri- priya-naTana-paTuH- muShTiriShTaM pradeShTuM kiM neShTe me sa teSShTA- pada-kaTaka-taTit- koTi-bhAmRRiShTa-kAShThaH || 20 ||

devyAdesha-praNIti- druhiNa-hara-varA- vadhya-rakSho-vighAtA- dyAsevodyad-dayArdraH sahabhuja-makarod rAma-nAmA mukuMdaH | duShTrApe pArameShThye kara-talamatulaM mUdhrni vinyasya dhanyaM tanvan bhUyaH prabhUta- praNaya-vikasitAbje- kShaNastvekShamANaH || 21 ||

jaghne nighnena vighno bahula-bala-baka- dhvaMsanAd yena shochad- viprAnukrosha-pAshaiH- asu-vidhRRiti-sukha syaikachakrA-janAnAm | tasmai te deva kurmaH kuru-kula-pataye karmaNA cha praNAmAn kirmIraM durmatInAM prathamamatha cha yo narmaNA nirmamAtha || 22 ||

nirmRRidnannatyayatnaM vijara-vara jarA- saMdha-kAyAsthi-saMdhIn yuddhe tvaM svadhvare vA pashumiva damayan viShNu-pakSha-dviDIsham | yAvat pratyakSha-bhUtaM nikhila-makha-bhujaM tarpayAmAsithAsau tAvatyASSyoji tRRiptyA kimu vada bhagavan rAjasUyAshvamedhe || 23 ||

kShvelAkShINATTahAsaM tava raNamari-han- ud‍gadoddAma-bAhoH bahva kShohiNyanIka- kShapaNa-sunipuNaM yasya sarvottamasya | shushrUShArthaM chakartha svayamayamiha saM- vaktumAnaMda-tIrtha- shrImannAman samarthaH- tvamapi hi yuvayoH pAda-padmaM prapadye || 24 ||

druhyaMtIM hRRid-ruhaM mAM druta-manila balAd drAvayaMtImavidyA- nidrAM vidrAvya sadyo- rachana-paTumathAS- pAdya vidyA-samudra | vAg-devI sA suvidyA- draviNa-da viditA draupadI rudra-patnyA- dyudriktA drAgabhadrAd rahayatu dayitA pUrvabhImASj~nayA te || 25 ||

yAbhyAM shushrUShurAsIH kuru-kula-janane kShatra-viproditAbhyAM brahmabhyAM bRRiMhitAbhyAM chiti-sukha-vapuShA kRRiShNa-nAmAspadAbhyAm | nirbhedAbhyAM visheShAd dvi-vachana-viShayA- bhyAmamUbhyAmubhAbhyAM (mubhAbhyAmamUbhyAM (pra.pA.)) tubhyaM cha kShemadebhyaH sarasija-vilasa- llochanebhyo namoSstu || 26 ||

gachChan saugaMdhikArthaM pathi sa hanumataH puchChamachChasya bhImaH proddhartuM nAshakat sa tvamumuru-vapuShA bhIShAyAmAsa cheti | pUrNa-j~nAnaujasoste gurutama vapuShoH shrImadAnaMda-tIrtha- krIDA-mAtraM tadetat pramada-da sudhiyAM mohaka dveSha-bhAjAm || 27 ||

bahvIH koTIraTIkaH kuTIla-kaTu-matIn- ut‍kaTATopa-kopAn drAk cha tvaM satvara-tvAt- sharaNa-da gadayA pothayAmAsithArIn | unmathyAtathya-mithyA- tva-vachana-vachanAn utpatha-sthAMstathASnyAn prAyachChaH sva-priyAyai priyatama-kusumaM prANa tasmai namaste || 28 ||

dehadut‍krAmitAnAM- adhipati-rasatAM- akramAd vakra-buddhiH kruddhaH krodhaika-vashyaH krimiriva maNimAn duShkRRitI niShkriyArtham | chakre bhU-chakrametya krakachamiva satAM chetasaH kaShTa-shAstraM dustarkaM chakrapANeH- guNa-gaNa-virahaM jIvatAM chAdhikRRitya || 29 ||

tad-duShTrekShAnusArAt katipaya-kunaraiH- AdRRitoSnyairvisRRiShTo brahmAhaM nirguNoShaM vitathamidamiti hyeSha pAShaMDa-vAdaH | tad-yuktyAbhAsa-jAla prasara-viSha-tarU- ddAha-dakSha-pramANa- jvAlA-mAlA-dharAgniH (jvAlA-mAlA-dharoSgniH (pra.pA)) pavana vijayate teSvatArastRRitIyaH || 30 ||

AkroshaMto nirAshA bhaya-bhara-vivasha- svAshayAshChinnadarpAH vAshaMto desha-nAshaH- tviti bata ku-dhiyAM nAshamAshA dashASshu | dhAvaMtoSshlIla-shIlA vitatha-shapatha-shA- pAshivAH shAMta-shauryAH tvad-vyAkhyA-siMhanAde sapadi dadRRishire mAyi-gomAyavaste || 31 ||

triShvapyevAvatAre- Shvaribhi-rapa-ghRRiNaM hiMsito nirvikAraH sarva-j~naH sarva-shaktiH sakala-guNa-gaNA- pUrNa-rUpa-pragalbhaH | svachChaH svachChaMda-mRRityuH sukhayasi sujanaM deva kiM chitramatra trAtA yasya tri-dhAmA jagaduta vasha-gaM kiMkarAH shaMkarAdyAH || 32 ||

udyanmaMda-smita-shrI- mRRidu madhu-madhurA- lApa-pIyUSha-dhArA pUrAsekopashAMtA- sukha-sujana-mano- lochanApIyamAnam | saMdrakShye suMdaraM saM- duhadiha mahadA- naMdamAnaMda-tIrtha shrImad-vaktreMdu-biMbaM durita-nududitaM nityadAShaM kadA nu || 33 ||

prAchInAchIrNa-puNyo- chchaya-chatura-tarA- chAratashchAru-chittAn atyuchchAM rochayaMtIM shruti-chita-vachanAn- shrAvakAMshchodya-chuMchUn | vyAkhyAmut-khAta-duHkhAM chiramuchita-mahA- chArya chiMtAratAMste chitrAM sachChAstra-kartaH- charaNa-paricharAn- shrAvayAsmAMshcha kiMchit || 34 ||

pIThe ratnopakl pte ruchira-ruchi-maNi- jyotiShA sanniShaNNaM brahmANaM bhAvinaM tvAM jvalati nijapade vaidikAdyA hi vidyAH | sevaMte mUrtimatyaH sucharita charitaM bhAti gaMdharva-gItaM pratyekaM deva-saMsat- svapi tava bhagavan nartita-dyo-vadhUShu || 35 ||

sAnukroshairajasraM jani-mRRiti-nirayA- dyUrmi-mAlAvileSsmin saMsArAbdhau nimagnAn- sharaNa-masharaNAn ichChato vIkShya jaMtUn | yuShmAbhiH prArthitaH san jalanidhi-shayanaH satyavatyAM maharSheH vyaktashchinmAtra-mUrtiH- rna khalu bhagavataH prAkRRito jAtu dehaH || 36 ||

asta-vyastaM samasta- shruti-gatamadhamaiH ratna-pUgaM yathASMdhaiH- arthaM lokopakRRityai guNa-gaNa-nilayaH sUtrayAmAsa kRRitsnam | yoSsau vyAsAbhidhAnaH- tamahamaharahaH- bhaktitastvat-prasAdAt sadyo vidyopalabdhyai gurutamamaguruM deva-devaM namAmi || 37 ||

Aj~nAmanyairadhAryAM shirasi parisarad- rashmi-koTIra-koTau kRRiShNasyAkliShTa-karmA dadhadanu-saraNAd- arthito deva-saMghaiH | bhUmAvAgatya bhUman- asukaramakaroH- brahmasUtrasya bhAShyaM durbhAShyaM vyasya dasyoH- maNimata uditaM veda-sad-yuktibhistvam || 38 ||

bhUtvA kShetre vishuddhe dvija-gaNa-nilaye rUpyapIThAbhidhAne tatrApi brahmajAtiH- ttribhuvana-vishade madhyagehAkhya-gehe | pArivrAjyAdhirAjaH punarapi badarIM prApya kRRiShNaM cha natvA kRRitvA bhAShyANi samyag vyatanuta cha bhavAn bhAratArthaprakAsham || 39 ||

vaMde taM tvA supUrNa- pramati-manudinA- sevitaM devavRRiMdaiH- vaMde vaMdArumIshe shriya uta niyataM shrImadAnaMda-tIrtham | vaMde maMdAkinI-sat- saridamala-jalA- seka-sAdhikya-saMgaM vaMdeShaM deva bhaktyA bhava-bhaya-dahanaM sajjanAn modayaMtam || 40 ||

subrahmaNyAkhya-sUreH suta iti su-bhRRishaM keshavAnaMda-tIrtha- shrImat-pAdAbja-bhaktaH stutimakRRita hareH- vAyu-devasya chAsya | tat-pAdArchAdareNa grathita-pada-lasan- mAlayA tvetayA ye saMrAdhyAmU namaMti pratata-mati-guNA muktimete vrajaMti || 41 ||

iti shrImat kavikulatilaka-trivikramapaMDitAchAryavirachitA vAyustutiH samAptA ||

pAMtvasmAn purahUta-vairi-balavan- mAtaMga-mAdyad-ghaTA- kuMbhochchAdri-vipATanAdhika-paTu- pratyeka-vajrAyitAH | shrImat-kaMThIravAsya- pratata-su-nakharA dAritArAti-dUra- pradhvasta-dhvAMta-shAMta- pravitata-manasA bhAvitA bhUri-bhAgaiH || (bhAvitA bhUri-nAkivRRiMdai (prachalitapATha))