oM laukikavaidika bhedabhinnavarNAtmaka dhvanyAtmaka asheShashabdArtha RRigAdisarvevedArtha viShNumaMtrArtha puruShasUktArtha gAyatryartha shrImannArAyaNAShTAkSharamaMtrArtha vAsudevadvAdashAkSharamaMtrA0targatAMtya chaturakSharArtha vyAhRRityartha mAtRRikAmaMtrArtha praNavopAsakAnAM pApAviddha daityapUgAviddha shrIviShNubhaktyAdyanaMtaguNaparipUrNa ramAvyatirikta pUrvaprasiddhavyatirikta anaMtavedapratipAdyamukhyatamA anaMtajIvaniyAmaka anaMtarUpabhagavatkAryasAdhaka paramadayALu kShamAsamudra bhaktavatsala bhaktAparAdhasahiShNu shrImukhyaprANAvAtArabhUtAnAM Aj~na j~nAnArthi j~nAnayogya bhagavatkRRipApAtrabhUta sallolokakRRipAlu brahmarudrAdyarthita bhagavadAj~nAM shirasi paramAdareNa anarghyashiroratnavannidhAya tathAsheSha devatAprArthanAnAM hAravaddhrudhi nidhAya sarvasvakIyasajjanAnugrahechChayA karmabhuvyavatIrNAnAM tathAvatIrya sakalasachchAstrakartRRiNAM sakaladurmatabhaMjakAnAM anAditaH satsaMpradAyaparaMparAprApta shrImadvaiShNavasiddhAMtapratiShThApakAnAM ata eva bhagavatparamAnugraha pAtrabhUtAnAM sarvadA bhagavadAj~nayA bhagavatsannidhau pUjyAnAM tathA bhagavatA dattavarANAM dvAtriMshallakShaNopetAnAM tathA samagragurulakShaNopetAnAM asaMshayAnAM prasAdamAtreNa svabhaktAsheShasaMshayachchetrUNAM praNavAdyasheSha vaiShNavamaMtroddhArakANAM sarvadA sarvavaiShNava maMtraj~nApakAnAM saMsiddhasaptakoTimahAmaMtrANAM bhagavati bhaktyatishayena bhagavadupAsanArthaM svechchayA gRRihItarUpANAM tatra tatra pRRithak pRRithak bhagavatonanaMtarUpeShu pRRithak pRRithagvedokta tadanukta bhAratokta tadanukta saMpradAyAgata svetara svAbhinnatayApyasheShashaktivisheShAbhyAM pRRithagvyavahAra viShaya sarvasAmarthyopeta niravadhikAnaMta anavadya kalyANaguNaparipUrNa anaMtaguNopasaMhatRRiNAM tathA vedokta sarvakriyopasaMhatRRiNAM evaM anaMtarUpA avayavaguNa kriyAjAtyavasthAvishiShTa bhagavadupAsakAnAM paramadayALUnAM kShamAsamudrANAM bhaktavatsalAnAM bhaktAparAdhasahiShNUnAM svabhaktAn durmArgAt uddhrutya sanmArgasthApakAnAM svabhaktaM mAmuddishya bhagavataH puraH paramadayALo kShamAsamudra bhaktavatsala bhaktAparAdhasahiShNo tvadadhInaM dInaM dUnaM anAthaM sharaNAgatamanenamuddhareti vij~nApanakartRRiNAM sarvaj~nashiromaNInAM asheShagurvaMtaryAmiNAM sadAbhagavatparANAM bhagavatonyatra sarvavastuShu manaHsaMgharahitAnAM sarvatra sarvadA sarvAkAra sarvAdhAra sarvAshraya sarvotpAdaka sarvapAlaka sarvasaMhAraka sarvaniyAmaka sarvapreraka sarvapravartaka sarvanivartaka yathAyogyaM sarvaj~nAnAj~nAnabaMdhamokShaprada sarvasattAprada sarvashabhdhavAchya sarvashabdhapravRRittinimitta sarvaguNAtiparipUrNamukhyatama sarvadoShAtidUra sarvAchiMtya sarvottama sarveshvara sarvAtyaMtavilakShaNa svagatabhedavivarjitatvAdinA bhagavadraShprUNAM abhimAnAdi sarvadoShadUrANAM asUyerShyAdi asheSha manodoShanivartakAM nityAparokShIkRRita ramAyukta asheShabhagavadrUpANAM ata eva vilInAsheSha prakRRitibaMdhAnAM atha eva dUrotsArita asheSha aniShTAnAM atha eva asheShabhaktAsheShAniShTha nivartakAnAM praNavopAsakAnAM asmadAdigurUNAM shrImadAnaMdatIrtha shrImachcharaNAnAM aMtaryAmin aniruddha pradyumna saMkarShaNa vAsudevAtmaka shrImadhvavallabha shrIlakShmIvedavyAsAtmaka aMDasthita anaMtarUpAvayava guNakriyA jAtyavasthAvishiShTa ramAyukta kShIrAbdhi sheShashAyi shrIpadmanAbhAtmaka aMDA0Dahirabhivyakta shuddhasRRiShTitvenAbhimata shrIchaturmukha mukhyaprANopAsyatvAdi anekaprayojanaka anaMtAnaMtarUpa mUlabhUta tathAsheSha jagatpAlanaprayojanaka shAMtipati aniruddha mUlabhUtAsheSha jagatsRRiShTiprayojanaka kRRitipati pradyumna mUlabhUta jagatsaMhAraprayojanaka jayApati saMkarShaNa mUlabhUta tathAsvasva samagrayogyatAbhij~na paramAnugrahashIla bhagavatprerita chaturmukhAdi sadgurUpadiShTa svasvayogya bhagavadrUpa guNopAsanayA saMjAta svasvayogya bhagavadrUpa visheShadarshanabhogAbhyAM viniShTAniShTa saMjAta prArabdhalakShaNa asheShakarmANAM svasvayogyatAnusAreNa saMpUrNasAdhanAnAM pUrvakalpebrahmaNA saha virajAnadIsnAnena tyaktaliMgAnAM tathA vinaShTAvashiShTeShTa asheSha prArabdhakarmANAM pralayakAle bhagavadudare vasatAM anaMtamAtravapuShAM tadanubhavarahitAnAM svasvayogya bhagavadrUpa visheShadhyAnaratAnAM sRRiShTikAle bhagavadAj~nayA bhagavadudarAdbahirnirgatAnAM shrIshvetadvIpadarshanaM nimittIkRRitya pradhAnAvaraNabhUtasvechchApasaraNena svasvayogya AnaMdavirbhAvalakShaNa muktipradhAnaprayojanaka mAyApati shrIvAsudevAtmaka lakShyAtmaka pralayAbdhistha shrIvaTapatrashAyyAsheShajagadudara asheShamukta nAbhideshordhvabhAga kukShyAkhyadesha trividhAsheShasaMsAri nAbhideshAkhilatamaHpatita nAbhyadhobhAgadesha shrIbhUmyAliMgita kAlAdicheShTaka paramANvAdi asheShakAlAvayava sRRiShTyAdikartRRisheShanAmaka paramapuruShanAmaka shrIchaturmukha mukhyaprANopAsitacharaNa aniruddhAdichatUrUpAtmaka gAyatrInAmaka savitRRinAmaka rUpavisheShAtmaka vyAptarUpa bRRihachcharIra shUnyAbhida kAlAbhida kevalAbhida brahmAbhida anaMtAbhida rUpavisheShAtmaka nirupacharita mUlarUpanirupacharita vyAptapratipAdya anaMtatejaH puMjitAdRRisha ramAyuktarUpavisheShAtmaka gAyatrIbhUtavAk pRRithivIsharIrahRRidayabhedena ShaDvidhagAyatrInAmaka lokavedasamIra ramAMtargata praNavAkhyaturIyapAdopeta gAyatrIpAdachatuShTayapratipAdya vaikuMThasthita anaMtAsanasthita shvetadvIpasthita sarvajIvasthita rUpabhedena chatUrUpAtmaka nirupacharita sarvavAgarthapratipAdaka shrIdevyAdi ramArUpAShTaka abhimanyamAna chakrashaMkhavarAbhayayuktahastachatuShTayopeta pradIpavarNa sarvAbharaNabhUShita vishvAdibhagavadrUpAShTaka pratipAdaka akArAdyaShTAkSharAtmaka shrImadpraNavAdyaShTamahAmaMtra pratipAdyaShTarUpAtmaka maMtrAdhyAyokta bhUvarAhAdyasheSha vaiShNavamaMtrapratipAdya bhUvarAhAdyasheSharUpavisheShAtmaka ramAdimaMtrapratipAdya ramAdiniShTha ramAdinAmakarUpa visheShAtmaka shrIlakShmInRRisiMhAtmaka paramadayALo kShamAsamudra bhaktavatsala bhaktAparAdhasahiShNo deshakAlAdhipate dehe0driyApate sUryavaMshadhvaja raghukulatilaka lakShmaNa bharata shatrughnAgraja shrImad hanumadupAsitacharaNa sItApate shrIrAmachaMdra tvadAj~nayA tvatprasAdAt tvatpreraNayA tvatprItyarthaM tvAmuddishya tvAmanusmaranneva tvadAj~nayA niyatena manniyAmakena sattApradavAyunAmaka cheShTApradaprANanAmaka dhAraNapradadharmanAmaka muktipradabhaktinAmaka rUpavisheShai: maddhRRidhisthitena paramadayAlunA kShamAsamudreNa bhaktavatsalena bhaktAparAdhasahiShNunA sarvasvAminA sarvaprerakeNa sarvatAtvikadevatAprerakeNa sarvatAtvikasurabhaMjakena tathA tatpreraNAprayuktAsheSha durmatabhaMjakena ata eva prabhaMjanashabdavAchyena pratidinaM pratikShaNaM buddhishodhakena sarvakarmakartrA sarvakarmakArayitrA sarvakarmasvAminA sarvakarmasamarpakeNa sarvakarmafalabhoktrA sarvakarmafalabhojayitrA sarvakarmaprerakeNa sarvakarmodbhodakena sarvakarmashuddhipradena sarvakarmasiddhipradena sarvakarmaniShTena sarvakarmasAkShiNA sarvakarmaniShTabhagavadrUpopAsakena atha eva asheShajIvani:saMghaunAdikAlIna dharmAdharma draShTru svechChayodbhodakena tadvAchaka kapilopAsakena ramAvyatirikta pUrvaprasiddhavyatirikta anaMtavedapratipAdyamukhyatamena anaMtaguNaparipUrNena sarvadoShadUreNa tvachchittAbhij~nnena tvachchittAnusArichittena tvatparamAnugrahapAtrabhUtena madyogyatAbhij~nnena shrIbhAratIramaNena rudrAdyasheShatAtvikadevatopAsita charaNena mama sarvAsvavasthAsu chitradhA vichitradhA tvadupAsakena shrImukhyaprANena preritaHsan tvatsaMsmRRitipUrvakaM shayanAt samutthAyadyatanaM svavarNAshramochitaM desha kAla avasthochitaM nitya naimittaka kAmyabhedena trividhaM tvatpUjAtmakaM karma yathAshakti yathAj~napti yathAvaibhavaM kariShye madAj~nAkAribhi: vidyAsaMbaMdhibhi: dehasaMbaMdhishcha tvadIyai: asheShajanai: tvatsarvakarmakartRRitva kArayitRRitvAdi anusaMdhAnapUrvakaM kArayiShye cha ||
||iti shrI rAghaveMdrAkhyayatinA kRRitamaMjasA prAtaHsaMkalpagadyaM syAt prItyai mAdhavamadhvayo:||