ओं लौकिकवैदिक भेदभिन्नवर्णात्मक ध्वन्यात्मक अशेषशब्दार्थ ऋगादिसर्वेवेदार्थ विष्णुमंत्रार्थ पुरुषसूक्तार्थ गायत्र्यर्थ श्रीमन्नारायणाष्टाक्षरमंत्रार्थ वासुदेवद्वादशाक्षरमंत्रा०तर्गतांत्य चतुरक्षरार्थ व्याहृत्यर्थ मातृकामंत्रार्थ प्रणवोपासकानां पापाविद्ध दैत्यपूगाविद्ध श्रीविष्णुभक्त्याद्यनंतगुणपरिपूर्ण रमाव्यतिरिक्त पूर्वप्रसिद्धव्यतिरिक्त अनंतवेदप्रतिपाद्यमुख्यतमा अनंतजीवनियामक अनंतरूपभगवत्कार्यसाधक परमदयाळु क्षमासमुद्र भक्तवत्सल भक्तापराधसहिष्णु श्रीमुख्यप्राणावातारभूतानां आज्ञ ज्ञानार्थि ज्ञानयोग्य भगवत्कृपापात्रभूत सल्लोलोककृपालु ब्रह्मरुद्राद्यर्थित भगवदाज्ञां शिरसि परमादरेण अनर्घ्यशिरोरत्नवन्निधाय तथाशेष देवताप्रार्थनानां हारवद्द्ह्रुधि निधाय सर्वस्वकीयसज्जनानुग्रहेच्छया कर्मभुव्यवतीर्णानां तथावतीर्य सकलसच्चास्त्रकर्तृणां सकलदुर्मतभंजकानां अनादितः सत्संप्रदायपरंपराप्राप्त श्रीमद्वैष्णवसिद्धांतप्रतिष्ठापकानां अत एव भगवत्परमानुग्रह पात्रभूतानां सर्वदा भगवदाज्ञया भगवत्सन्निधौ पूज्यानां तथा भगवता दत्तवराणां द्वात्रिंशल्लक्षणोपेतानां तथा समग्रगुरुलक्षणोपेतानां असंशयानां प्रसादमात्रेण स्वभक्ताशेषसंशयच्चेत्रूणां प्रणवाद्यशेष वैष्णवमंत्रोद्धारकाणां सर्वदा सर्ववैष्णव मंत्रज्ञापकानां संसिद्धसप्तकोटिमहामंत्राणां भगवति भक्त्यतिशयेन भगवदुपासनार्थं स्वेच्चया गृहीतरूपाणां तत्र तत्र पृथक् पृथक् भगवतोननंतरूपेषु पृथक् पृथग्वेदोक्त तदनुक्त भारतोक्त तदनुक्त संप्रदायागत स्वेतर स्वाभिन्नतयाप्यशेषशक्तिविशेषाभ्यां पृथग्व्यवहार विषय सर्वसामर्थ्योपेत निरवधिकानंत अनवद्य कल्याणगुणपरिपूर्ण अनंतगुणोपसंहतृणां तथा वेदोक्त सर्वक्रियोपसंहतृणां एवं अनंतरूपा अवयवगुण क्रियाजात्यवस्थाविशिष्ट भगवदुपासकानां परमदयाळूनां क्षमासमुद्राणां भक्तवत्सलानां भक्तापराधसहिष्णूनां स्वभक्तान् दुर्मार्गात् उद्द्ह्रुत्य सन्मार्गस्थापकानां स्वभक्तं मामुद्दिश्य भगवतः पुरः परमदयाळो क्षमासमुद्र भक्तवत्सल भक्तापराधसहिष्णो त्वदधीनं दीनं दूनं अनाथं शरणागतमनेनमुद्धरेति विज्ञापनकर्तृणां सर्वज्ञशिरोमणीनां अशेषगुर्वंतर्यामिणां सदाभगवत्पराणां भगवतोन्यत्र सर्ववस्तुषु मनःसंघरहितानां सर्वत्र सर्वदा सर्वाकार सर्वाधार सर्वाश्रय सर्वोत्पादक सर्वपालक सर्वसंहारक सर्वनियामक सर्वप्रेरक सर्वप्रवर्तक सर्वनिवर्तक यथायोग्यं सर्वज्ञानाज्ञानबंधमोक्षप्रद सर्वसत्ताप्रद सर्वशभ्धवाच्य सर्वशब्धप्रवृत्तिनिमित्त सर्वगुणातिपरिपूर्णमुख्यतम सर्वदोषातिदूर सर्वाचिंत्य सर्वोत्तम सर्वेश्वर सर्वात्यंतविलक्षण स्वगतभेदविवर्जितत्वादिना भगवद्रष्प्रूणां अभिमानादि सर्वदोषदूराणां असूयेर्ष्यादि अशेष मनोदोषनिवर्तकां नित्यापरोक्षीकृत रमायुक्त अशेषभगवद्रूपाणां अत एव विलीनाशेष प्रकृतिबंधानां अथ एव दूरोत्सारित अशेष अनिष्टानां अथ एव अशेषभक्ताशेषानिष्ठ निवर्तकानां प्रणवोपासकानां अस्मदादिगुरूणां श्रीमदानंदतीर्थ श्रीमच्चरणानां अंतर्यामिन् अनिरुद्ध प्रद्युम्न संकर्षण वासुदेवात्मक श्रीमध्ववल्लभ श्रीलक्ष्मीवेदव्यासात्मक अंडस्थित अनंतरूपावयव गुणक्रिया जात्यवस्थाविशिष्ट रमायुक्त क्षीराब्धि शेषशायि श्रीपद्मनाभात्मक अंडा०डहिरभिव्यक्त शुद्धसृष्टित्वेनाभिमत श्रीचतुर्मुख मुख्यप्राणोपास्यत्वादि अनेकप्रयोजनक अनंतानंतरूप मूलभूत तथाशेष जगत्पालनप्रयोजनक शांतिपति अनिरुद्ध मूलभूताशेष जगत्सृष्टिप्रयोजनक कृतिपति प्रद्युम्न मूलभूत जगत्संहारप्रयोजनक जयापति संकर्षण मूलभूत तथास्वस्व समग्रयोग्यताभिज्ञ परमानुग्रहशील भगवत्प्रेरित चतुर्मुखादि सद्गुरूपदिष्ट स्वस्वयोग्य भगवद्रूप गुणोपासनया संजात स्वस्वयोग्य भगवद्रूप विशेषदर्शनभोगाभ्यां विनिष्टानिष्ट संजात प्रारब्धलक्षण अशेषकर्माणां स्वस्वयोग्यतानुसारेण संपूर्णसाधनानां पूर्वकल्पेब्रह्मणा सह विरजानदीस्नानेन त्यक्तलिंगानां तथा विनष्टावशिष्टेष्ट अशेष प्रारब्धकर्माणां प्रलयकाले भगवदुदरे वसतां अनंतमात्रवपुषां तदनुभवरहितानां स्वस्वयोग्य भगवद्रूप विशेषध्यानरतानां सृष्टिकाले भगवदाज्ञया भगवदुदराद्बहिर्निर्गतानां श्रीश्वेतद्वीपदर्शनं निमित्तीकृत्य प्रधानावरणभूतस्वेच्चापसरणेन स्वस्वयोग्य आनंदविर्भावलक्षण मुक्तिप्रधानप्रयोजनक मायापति श्रीवासुदेवात्मक लक्ष्यात्मक प्रलयाब्धिस्थ श्रीवटपत्रशाय्याशेषजगदुदर अशेषमुक्त नाभिदेशोर्ध्वभाग कुक्ष्याख्यदेश त्रिविधाशेषसंसारि नाभिदेशाखिलतमःपतित नाभ्यधोभागदेश श्रीभूम्यालिंगित कालादिचेष्टक परमाण्वादि अशेषकालावयव सृष्ट्यादिकर्तृशेषनामक परमपुरुषनामक श्रीचतुर्मुख मुख्यप्राणोपासितचरण अनिरुद्धादिचतूरूपात्मक गायत्रीनामक सवितृनामक रूपविशेषात्मक व्याप्तरूप बृहच्चरीर शून्याभिद कालाभिद केवलाभिद ब्रह्माभिद अनंताभिद रूपविशेषात्मक निरुपचरित मूलरूपनिरुपचरित व्याप्तप्रतिपाद्य अनंततेजः पुंजितादृश रमायुक्तरूपविशेषात्मक गायत्रीभूतवाक् पृथिवीशरीरहृदयभेदेन षड्विधगायत्रीनामक लोकवेदसमीर रमांतर्गत प्रणवाख्यतुरीयपादोपेत गायत्रीपादचतुष्टयप्रतिपाद्य वैकुंठस्थित अनंतासनस्थित श्वेतद्वीपस्थित सर्वजीवस्थित रूपभेदेन चतूरूपात्मक निरुपचरित सर्ववागर्थप्रतिपादक श्रीदेव्यादि रमारूपाष्टक अभिमन्यमान चक्रशंखवराभययुक्तहस्तचतुष्टयोपेत प्रदीपवर्ण सर्वाभरणभूषित विश्वादिभगवद्रूपाष्टक प्रतिपादक अकाराद्यष्टाक्षरात्मक श्रीमद्प्रणवाद्यष्टमहामंत्र प्रतिपाद्यष्टरूपात्मक मंत्राध्यायोक्त भूवराहाद्यशेष वैष्णवमंत्रप्रतिपाद्य भूवराहाद्यशेषरूपविशेषात्मक रमादिमंत्रप्रतिपाद्य रमादिनिष्ठ रमादिनामकरूप विशेषात्मक श्रीलक्ष्मीनृसिंहात्मक परमदयाळो क्षमासमुद्र भक्तवत्सल भक्तापराधसहिष्णो देशकालाधिपते देहे०द्रियापते सूर्यवंशध्वज रघुकुलतिलक लक्ष्मण भरत शत्रुघ्नाग्रज श्रीमद् हनुमदुपासितचरण सीतापते श्रीरामचंद्र त्वदाज्ञया त्वत्प्रसादात् त्वत्प्रेरणया त्वत्प्रीत्यर्थं त्वामुद्दिश्य त्वामनुस्मरन्नेव त्वदाज्ञया नियतेन मन्नियामकेन सत्ताप्रदवायुनामक चेष्टाप्रदप्राणनामक धारणप्रदधर्मनामक मुक्तिप्रदभक्तिनामक रूपविशेषै: मद्धृधिस्थितेन परमदयालुना क्षमासमुद्रेण भक्तवत्सलेन भक्तापराधसहिष्णुना सर्वस्वामिना सर्वप्रेरकेण सर्वतात्विकदेवताप्रेरकेण सर्वतात्विकसुरभंजकेन तथा तत्प्रेरणाप्रयुक्ताशेष दुर्मतभंजकेन अत एव प्रभंजनशब्दवाच्येन प्रतिदिनं प्रतिक्षणं बुद्धिशोधकेन सर्वकर्मकर्त्रा सर्वकर्मकारयित्रा सर्वकर्मस्वामिना सर्वकर्मसमर्पकेण सर्वकर्मफ़लभोक्त्रा सर्वकर्मफ़लभोजयित्रा सर्वकर्मप्रेरकेण सर्वकर्मोद्भोदकेन सर्वकर्मशुद्धिप्रदेन सर्वकर्मसिद्धिप्रदेन सर्वकर्मनिष्टेन सर्वकर्मसाक्षिणा सर्वकर्मनिष्टभगवद्रूपोपासकेन अथ एव अशेषजीवनि:संघौनादिकालीन धर्माधर्म द्रष्ट्रु स्वेच्छयोद्भोदकेन तद्वाचक कपिलोपासकेन रमाव्यतिरिक्त पूर्वप्रसिद्धव्यतिरिक्त अनंतवेदप्रतिपाद्यमुख्यतमेन अनंतगुणपरिपूर्णेन सर्वदोषदूरेण त्वच्चित्ताभिज्ञ्नेन त्वच्चित्तानुसारिचित्तेन त्वत्परमानुग्रहपात्रभूतेन मद्योग्यताभिज्ञ्नेन श्रीभारतीरमणेन रुद्राद्यशेषतात्विकदेवतोपासित चरणेन मम सर्वास्ववस्थासु चित्रधा विचित्रधा त्वदुपासकेन श्रीमुख्यप्राणेन प्रेरितःसन् त्वत्संस्मृतिपूर्वकं शयनात् समुत्थायद्यतनं स्ववर्णाश्रमोचितं देश काल अवस्थोचितं नित्य नैमित्तक काम्यभेदेन त्रिविधं त्वत्पूजात्मकं कर्म यथाशक्ति यथाज्ञप्ति यथावैभवं करिष्ये मदाज्ञाकारिभि: विद्यासंबंधिभि: देहसंबंधिश्च त्वदीयै: अशेषजनै: त्वत्सर्वकर्मकर्तृत्व कारयितृत्वादि अनुसंधानपूर्वकं कारयिष्ये च ।।
।।इति श्री राघवेंद्राख्ययतिना कृतमंजसा प्रातःसंकल्पगद्यं स्यात् प्रीत्यै माधवमध्वयो:।।